حور واملاك التنادي يا محمد يا امين زوج النورين فاطم وامير المؤمنين

هذي اسرار السماء العجزت كل العقول نزلت الحور ويه الاملاك وتنادي بالرسول

يامحمد يالي بسمك تزدهر كل الفصول هالبتول الطاهره لحيدر وحيدر للبتول

هالبيان الي تقرر من إله العالمين ما كفو الزهرة الزجيه غير امام المتقين

يا محمد يا نبي الله ورسوله ورحمته اعلن الكون احتفاله بالوصي وزوجته

تلاقت انوار النبوة والامامة بزفته فاطمة الوصلة العظيمة وبيها تكمل فرحته

بضعتك شمس الهداية حيدر النور المبين استبشر الكون بضواهم يا عظيم المرسلين

مهر فاطم درع حيدر يا غرابة هالمهر لجن حيدر كنز سعره فاق اصناف الدرر

عطفه يحوي هالسماوات وكرم جفه بحر قلبه جنه لليحبه وسيفه شعلة من سقر

رفت بفرحة العوالم مسحت آلام السنين بارك لفاطم بحيدر للوصي بأم الحسين

شهر ذي الحجة يتشرف يحوي هاي المكرمة بحضن افراح الامير ويه الاميرة فاطمة

تنتشي بيه الولاية وتبتشر ارض وسمه ترتسم عالكون آلاف الثغور الباسمه

فرحة ما ينحد صداها شهر ذي الحجة تحين منها ذريتك يا طه والائمة الطاهرين

بالسما معقود عرس المرتضى بدار الخلود بيه رب العرش كاتب عقده واملاك الشهود

عالارض تجري المراسيم وترف عين الحسود بس وجوه المؤمنين بحفله تتفتح ورود

حيدر الكاشف كربتك هو مصحف كل يمين بصهرك وزوج الوديعة تفتخر عالاخرين