يالمهدي يبني دم تهل دمعتي من كسر ضلعي و من ألم شيعتي

أمك الزهره و أنتخي شيمتك و أتنطرك يمته ترف رايتك

شيعتنه تتلوه ابجمر غيبتك يمته تطفي ابطلعتك جمرتي

قبري و عليّ تردف إسهام الدهر جن كسر ضلعي بالهضيمه إنكسر

عجل ظهورك يبني يالمنتظر إجبر خواطر شيعتي إبطلبتي

بعده الدمع يتفايض إبناظري و ابدمعتي و ي زجرت السامري

ما غيرك اليجبر كسر خاطري ناديتك ابهضمي و سهم غربتي

أذكر مصابي من طحت عالجبين و أسمع ونين و حسره من الجنين

هالصوره تتروالي طول السنين ما أنسه غصت محسن ابطحيتي

شيعتنه ويانه عصرها الزمن و ابكل عصر تتشاقف اويه المحن

تدفع ثمن حبنه و دماها الثمن شيعة علي نخوتها من نخوتي

كل الأسمعه ينتخيك و يصيح وياها أصيح و دمعي قبله يسيح

يالمهدي ينخاك العراق الجريح و محنة الشيعه ابكل بلد محنتي

لو أقدر أنهض و أعتني ابهمي ليك جا قمت من قبري و جيت أرتجيك

يالمنتظر كل إحنه متأمليك قوم إمسح إبجف الفرج دمعتي

أقسم عليك ابضلعي و آنه البتول غيبتك يالمهدي بعد لا تطول

تنخاني شيعتنه و احيرن شقول و إغيابك العظّم عليّ حيرتي