وين الوعد يا عباس عفت الحرم عطشانه

راعي الفخر و النوماس عفت الحرم عطشانه

خويه امردت دلالي و انت العزيز الغالي

جنك ما تدري ابحالي و بيك انبنت آمالي

ظني اتعود و تبرالي خويه و بدر الليالي

روحي اعليك ولهانه عفت الحرم عطشانه

خويه العطش من صابك جن يهنالك شرب الماي

و جنك نسيت احبابك خنت العهد خويه اوياي

عفت ابغرب أصحابك وعدك نسيته يسداي

وعدك تروي احشانه عفت الحرم عطشانه

نادت وديعت زهره نادت عزيزة حيدر

خويه و فرقتك مره تدري اعله ابعادك مقدر

قلي القلب شيصبره نارين ابقلبي تسعر

نار افراقك الآذانه عفت الحرم عطشانه

وين الذي ايداوي اجروح وين الذي ايباريني

بس لمن شفتك مطروح و ابغربته ايناديني

ريت اطلعت مني الروح و لا شوف بنظر عيني

راعي العلم جثمانه عفت الحرم عطشانه