ماجنها فزع و اجيوش ما جنها زلم و اخيول

صل بموسط الميدان ساعه ايصول ساعه ايجول

حصدها و لمها للمرواح و ترس الفله و اسهول

ما لمها البر من ذراها

ذراها و غدت طشار حقها يضيج بيها البر

ما عرفت تفر من انين يلقط سيفه حته الفر

الشاف الحومه من ابعيد ناده مو علي الأكبر

لو حيدر هد لو عباسه

لو حيدر الهد بالقوم ما هي عادته ايدرعم

يلقط عينة الفرسان لو بالملحمه ايخيم

ساعه و لنه عله اصياح اخو زينب هالمشيم

هد بيها عباس الثاني

طفح غيظه علي الأكبر شال الموت بالصارم

لن اصياحها ايعلي يحذر بكر ابن غانم

يا الرايد تطب ميدان هذا فرع من هاشم

حط بالك لا تسحق آفه

قر عين إخته المشبل بالجيمان صد ابصد

فرشها اعله الرمال افراش لشايشها فلا تنعد

حرز لا مو حرز شايل و بساعده شنهو الشد

عصابة سكنه المحجوبه