مثل الرحه الحومه اتدور و الأكبر قطبها صار

من طبع الرحه يا ناس ابغير القطب ما تندار

و شبل احسين بيها ايدور نوب ايمين نوب ايسار

دوخها و ظل يقصب بيها

خله القوم تتجادل واحد ينشد الثاني

هذا فارس اليحمل يو لا غضب رباني

و إذا هذا علي الكرار غير الموت شنتاني

شايل سيف الله اعله يمينه

قام ابعلي ايذكرهم و حملة بدر و الأحزاب

يوم البيه أبو الحسنين دك الحصن شال الباب

و قاع الأمحلة بالخوف امن الدمه خنياب

و يوم الخندق ما ناسينه

نفس موقف علي الكرار ابوادي كربله اتكرر

لمن بكر ابن غانم ابغروره قام يتبخر

عليها اظلمت الدنيه ابضربه من علي الأكبر

كسر جتفينه و حز راسه