مثلك دليلي يا وليدي امطبر ... اسم الله اعله طولك عالتراب امعفر

لا قالها الله يا وليدي مطروح ... فوق الوطيه و راسك ادماه اتفوح

ما بيك روحي اشلون تبقه لي روح ... كثر الجروح البيك صارت الجروح

من عمت عيني ولا أشوف اقبالي ... مطروح جسمك بالدمه يا الغالي

ما جنت أحسب أنظر الها المنظر

حسبات بيك امحسبه إلا ابهاي ... جنت أحسب ابسدك أعيش ابدنياي

انته اكبرت و اوياك كبرت رجواي ... تاليها لن رجواي لن ملح ابماي

جالماي و اتبده رحت من ايدي ... وسفه و ألف وسفه عليك اوليدي

ما أقدر اعله العيش بعدك ما أقدر

من أجل عينك بعد عيني عينك ... ما جنت أريد افراق بيني و بينك

ردتك الشيبي اوياي توفي دينك ... لا طالت اسنيني شجاها اسنينك

ابعمر الورد تذبل شبيه الورده ... و اتروح من ايدي اعله ساعه برده

اشلون أقدر الهذا المصاب أتصبر