هذا الأكبر .... بين العسكر

نار و تلهب على الاشرار

بالطف نار الثار التهبت يا محله الثارات اليوم

تحرق أحقاد الغداره و اعالعسكر هالنار اتحوم

من جف الأكبر تتلاهب يطلب ثارات المظلوم

إعله اجيوش الشر .... نار و تسعر

شيخمد نيران الثار

ايصول ايجول بقلب الحومه يسحقهم بجدامه الحيد

يا حي هاشم يوم النيبه عدهم بس بالحومه العيد

قوم اكصد عدوانه و انشد شنهو الصار بجيش ايزيد

يحصد بيها .... و يّدريها

لا تعجب جده الكرار

ساعه اليقلبها اعله العسكر ليل أظلم من كثر الخوف

ظهر أحمر يوم اليقلبها ايشق بالحومه و ساعه يروف

بس رووس و لمضة بتاره اجيوش الباطل لنها اتشوف

ليث الحومه .... من أول يومه

سوه بعدوانه الما صار

حيره اتحير جيش الباطل منهو اتوسط بالميدان

هذا للعباس الطب ليهم لو طرهم داحي البيبان

جن هذا الاكبر بالحومه و ميحب بس صيد الفرسان

و اليتقرب .... يلحق مرحب

موت أحمر بالعسكر دار

جاس الذل جرع عدوانه و اليقدر يشرد مبخوت

مو بالسيف ايواجه خصمه جدمه ايدوس اعله الطاغوت

يآخذ ثاراته من الباطل ما يخلي الثارات اتفوت

ثار الزهره .... و حق العتره

ردوا رد ثارات الدار