يعبد الله تراوالي .... أشوفن هالمهد خالي

أصد الوجهك الذابل و أحير ابحالك و أمرك

و غدت هالحاله ترسم لي و تصور لي قطع نحرك

و أهيم بعالمك يبني و أصيح السهم ينتظرك

رضيع و موتك اينولك يعبد الله اشبصر عمرك

أبد ما جانت اببالي .... أشوفن هالمهد خالي

يعبدالله ابدمع سافح تصد اعله المهد عيني

و أشوف ابكل ركن منك صور ذبحك يراويني

و عقب عينك مرام الطف أون و انحب تخليني

علي تكثر مراميها و أصد بيساري و ايميني

و يخبرني هضم حالي .... أشوفن هالمهد خالي

ملامح عن سقم حالي غدت مرسومه عد مهدك

وحقك يبني كل جمره تشب و تنطفي ابجبدك

أحسها تلهب ابروحي و أحومن و أقعد ابسدك

و أصد اعله المهد و اصرخ عسن لحدي و لا لحدك

وسافه يبني يالغالي .... أشوفن هالمهد خالي

يعبد الله لون عيني تشوفك غارج ابدمك

أصبن كل دمع جفني و أنثر مهجتي يمك

و أصيحن وسفه يوليدي ابقبرك يندفن جسمك

عسن قبلك يعبدالله تنام ابحفرتك أمك

يصب دم نحرك إقبالي .... أشوفن هالمهد خالي

يعبدالله اشكثر قلبي ايتحمل نايبات و هم

يعبدالله وسافه ضامي يبني الموت يرويك ابسهم بلدم

ياريت بهالسهم جبدي يذوب و قلبي يتخذم

و لا شوفك يبعد أهلي ينولك جف المحتم

شفت مهدك تهيا لي .... أشوفن هالمهد خالي