محمد والد الزهره محمدنه و يا مذهب يصير أقرب لمذهبنه

القالت نعتقد بالباري و السنه رسول الرحمه نسألها اشخدت منه

هوت بعيده ابكل صفه عنه و كل ودها جزء ما يوصل الودنه

أول موقف البيه ينكشف كل سر لمن تهموا الهادي النبي يهجر

فسر هالكلام ابكل وعي فسر و بالمنطق نجاوب من تناشدنه

من عين أسامه قائد العسكر واجب طاعته و بيها أمر قرر

و ملعون التخلف عنه لو أدبر إذا نلعن بعد جا ليش تنقدنه

و بيوم الغدير المصطفه الهادي رفع يمنة علي و يبلغ ينادي

وصيي و بالنص اتنصب فضل بادي و خالفتوا الرسول و احنه أيدنه

تعيين الولي من العرش نصه كذبتوا الرسول و قلتوا ما وصه

ابقطره امن الحيه ما عرقت القصه و من عدهم مواقف سود شاهدنه

وصاكم أبوها ابفاطمه الزهره و ليش اببابها النيران مستعره

و اتصوب ضلعها و هلت العبره بت خير البريه الهادي سيدنه

و انتم بالوصيه البيها متمسكين حته انكَول خلف المصطفه ماشين

عدنه اشهود حرفتوا أصول الدين و بيوم القيامه الهادي شاهدنه

إحنه سنت المختار و أشياعه و إحنه الكل وصيه أصبحنه اتباعه

الموعد بالحشر لو حلت الساعه موعدهم النار الجنه موعدنه