إلج عقب الصبر....بالطفوف الأجر

مهجة الهادي الزهره الزجيه

حقها و ابفقدت وليها الزهره تبجي الليله حقها

حقها و ابفرقة الوالد صبح شبه الدوح ونها

و حقها لو عن العوالم كلها خاب اليوم ظنها

حقها لو يذبل جفنها بس جلد جاسي عظمها

و حقها لو تبجي صبح و مسيه

غاب عنها اليسر....بالطفوف الأجر

من تمنيت النبوه ووالدج خير البريه

منهو يتجرع يضدج لون وافاه المنيه

و انتي نورج يظل مشعل للرساله الأحمديه

منج انوار الإمامه اشبول حماي الحميه

ملجأ الأمه حته المنيه

إلج يم الطهر....بالطفوف الأجر

لاجن الهيج دليلي و كل فكر منه تحير

اشلون خانوا بالزجيه و الصدر منها تكسر

و اللي فجر للمدامع كل جبد منه تفسر

اشلون ينظر للزجيه و ما يسل السيف حيدر

و ما خلص صبره حامي الحميه

ظني من العذر....بالطفوف الأجر

قومي يم الحزن قومي للطفوف و شاهديها

و نشدي من الغاضريه وين عزتها ووليها

مري بالله اعله المخيم بلجي زينب لسه بيها

بلجن الحره تخبرج و الخيمها امفرهديها

عالسده اعليها بالغاضريه

وين عنها البدر....بالطفوف الأجر

لون خانوا بالأمانه أهل الغدر و أهل الظغينه

ابدرب واحد نظل نمشي بالولايه احنه اقتدينه

و أبد ما ننسه الهواشم من علي الآخر بنينه

منهم أنوار العداله جالشمس تشرق علينه

بإسمج الرايه ظلت زهيه

للضلع و الصدر....بالطفوف الأجر