بالبقيع اقبور شاهدناها امهدمه والله ما ننساها

ذيع يا ناعي الحزن هالليله ذيع هالخبر للعالم و نقله سريع

أربع اقبور اهدموها بالبقيع ايزلزل العالم ألم ذكراها

اقبور جانت بالبقيع امشيده راكعه الأملاك بيها و ساجده

هدمتها الناصبيه الحاقده و فجعت الزهره وديعة طاها

فجعوا الزهره ابهدم قبر الحسن المجرمين الناصبين أهل الفتن

هالفجيعه شاهد اعليها الزمن يبقه كل جيل اليمر يقراها

مرقد السجاد زين العابدين هدموا أتباع إبليس اللعين

بغضاً ابحيدر أمير المؤمنين البيه جان المصطفه يتباها

مرقد الباقر الهتكوا حرمته هدموا اولاد النواصب قبته

فجعوا ابهاي المصيبه شيعته قبته هدموا رفيع إبناها

جعفر الصادق سليل الأنبياء جوهر الحكمه و إمام الأتقياء

هدموا قبره العصاة الجبناء و جهلوا إعلومه و بحر معناها

اقبور منها ريحة الجنه تفوح اقبور تربتها دوه الكل الجروح

اقبور لازم ليها بالمدمع نروح رغم كل الخطر نتعناها