خطيت إلك عهدي بدموع عيوني عن خدمتك يحسين مايمنعوني

يحسين إلك عهد الوفه خطيته لوحة بمتاحف خدمتي خليته

أقصر طريق لحبك اختاريته خادم إلك ياسيدي يسموني

بغيرك فلا ينبض أخبرك قلبي مخلص إلك يشهد علي ربي

بس البعض يزرع أشواك بدربي عن خدمتك كل ظنهم يأخروني

عن خدمتك يحسين ما أتاخر لأني أشوفن قدري بيها يكبر

عمري إلك منذور يابو الأكبر منشد إلك و الوادم يسمعوني

اشما خلو بدربي سدود و أشواك وياك أظل يحسين أقسم وياك

لا تعتقد مولاي فذ يوم أنساك و أنت خبير بضميري و مكنوني

يحسين أنادي بإسمك و اسمعني أدري البعض عن خدمتك يمنعني

جي انته يوم ايا الشرف ترفعني الهذا السبب عدوانك يبغضوني

سر خدمتك تاهت اعقول بلغزه قلبي إلك دوم الحنين يهزه

منك تعلمت الاباء و العزه أبقى عزيز و أرفض يذلوني