زينب من شرف جدها شرفها....زينب حير العالم وصفها

من ساعة التكوين........حازتها الإراده

الباري من صوّر العالم جمّل الأرض وسماها

نور من ذات الجلاله نور للزهره حباها

وفرع من نور البتول بزينب الكبرى بهاها

هالنور أصبح يبتهل..... بنور الرساله متصل

ونور النبي سيد الرسل.... نور الكون بسناها

نور اليزهر بزينب الكبرى

من نور النبي وعصمة الزهره

بأسرار وبراهين...... حازتها الإراده

هام عقلي بهالمعاني الساميه ونور التجلى

من أثر نور الرساله نور قدسية المله

وجني بانوار العقيله الزهر بالمسكون كله

هالنور من سيد البشر... وبعالم القدره إنشطر

وبزينب الكبرى زهر..... والفرع متصل بأصله

زينب يالتناشد عن فضلها

كسبت هالمعاني من أهلها

فرسان الميامين.... حازتها الإراده

زينب الحازت بطوله بكربلا وشدة محنها

هدف صارت للمصايب والمصايب دوهننها

لوت سطوات الليالي والليالي ما لونها

متدرعه بدرع الورع.... والگلب منها ما جزع

والأمل بالطف إنگطع..... من أهلها وخاب ظنها

زينب حافظت خدر الفواطم

زينب من عگب شمل الهواشم

وبكربلا لحسين.... حازتها الإراده

ثبتت هالدين زينب من عگب والد اليمه

حسين التضحى بوجوده أرخص لهالدين دمه

وزينب الكبرى بصبرها حررت للدين عزمه

والدين أصبح كالعلم.... يخفج بذروات الهمم

بزينب وابو اليمه إلتزم... يزهر بأنوار حكمه

حسين الضحى للدين بوجوده

زينب حافظت بالطف حدوده

وشوف الحرر الدين... حازتها الإراده