راعيها راعيها.............. والهمه راعيها

شد نياشين الدين........ قائد بجيش حسين

والهمه راعيها........ورايته معليها

راية علي اليشفي الگلب طاريها....... لبنه ذخرها وأيد المذخوره

والرايه حيت ميرها وراعيها........ونالت نصرها ورفرفت منصوره

زمها ونشرها بكربلا وغز بيها......الگوم وكسرها ودوبحت مكسوره

واديها واديها.......كربلا وواديها

يالتريدون شهود....شاهد الحگ موجود

كربلا و واديها....ورايته معليها

صارم گمر هاشم حجر من سجيل....تمطر اشفاره والحصد بشفاره

حل العذاب ونزل بصحاب الفيل......واسعرت ناره والعذاب بناره

ومنين مايميل الأجل گام يميل..... ما إلها چاره والهلاك الچاره

يصليها يصليها.....صارمه يصليها

يمطر حجر سجيل....دمر اصحاب الفيل

صارمه يصليها....ورايته معليها

يجدح شرار مهنده بالحومه..... سمه يتگاطر والحريج بسمه

كور الكون وشال زود گرومه....بالهمه سدر والفعل بالهمه

شال الچمين وذبه عالملزومه....لم المطشر طشر الملتمه

تاليها تاليها.... كبر بتاليها

من لكد عالغارات....نكس رد الرايات

كبر بتاليها.....ورايته معليها

صوت الصميده بكربلا يسمعونه.....الله أكبر ضنوته لو كبر

مثل شجاعة حيدر المكنونه....مايفر لو كر تفر منه لو كر

گلب الحرب يهجس نزل طاعونه.....صاجعه و حدر ما يرد لو حدر

يغزيها يغزيها.....للحومه يغزيها

بالفراسه مشكر....وبشجاعة حيدر

للحومه يغزيها.....ورايته معليها