يختي واذب مجهودي.... عالماي أضحي وجودي

طلعت حورية العصمه امبرگعه بهيبة العصمه

تصيح وين اللي تخالط نور وجهه ونار عزمه

علم وعلى العلم نوره يزهر بمشكاة علمه

وين اللي يرد العاطفه... بروحه ويموت على الوفه

عباس بالخوه إكتفه.... وإنطوى التاريخ بسمه

عونچ عيناج يا بت فاطمه وعونچ

وانه الوفه مگصودي.... وعالماي أضحي وجودي

عيني.... دخذي يزينب ماي البعيني

صدت على الرايه لاچن روحها بطرف الرايه

تعلگت والروح تصرخ ها يا خواض المنايه

رايتك ترفل بعدها والفراسه من عمايه

شوصاك ابويه شوزمك... نهج الكفاله علمك

وراية بيمينك سلمك... وفرض على الرايه السقايه

دونچ يا محله عمري الينصرف دونچ

ويا محله گطع زنودي... وعالماي أضحي وجودي

عيني.... دخذي يزينب ماي البعيني

صاحت ادري بيك توصل والملازم ما تهمك

وبيك لوهاجت الهمه فضا العالم ما يلمك

شماحسبت حساب اشوفك تخبط ويه الماي دمك

وماي البعينك ينفصل... يحرم علينه وما يحل

وتگطع چفوفك مثل... جعفر الطيار عمك

عمي.... بگطع الچفوف إستارثت عمي

والتضحيه من عودي.... وعالماي أضحي وجودي

عيني... دخذي يزينب ماي البعيني

ركز عد زينب الرايه ولوجه سكنه تبسم

والرمح فصم عجوده وگطع رچاب المطهم

صاح اكف غيم الشريعه لو عليها الجيش غيم

وزينب بالخيام تعدي.... وفرت المعصب وتحدي

تفعل يا ضنوة والدي ... وادري بيك مهتم

روحي.... دمي البجسمي ومهجتي وروحي

تتوزع على حدودي..... وعالماي أضحي وجودي

عيني.... دخذي يزينب ماي البعيني

آه يا سبع الخيل أدري الخيل ما حلاّو وعددها

وهاي أيام وليالي الزلم تتراجف بعدها

شلون يغمض جفن منها وإنت متخيل بحدها

ومن سطوتك متدوهنه... وهاي الحرم مستاطنه

بفضلك تنام مأمنه... وإختك إكتملت سعدها

جنودي...... سطوة حيدر بالوفه جنودي

والغانمات شهودي.... عالماي أضحي وجودي

عيني دخذي يزينب ماي البعيني

كحلت عين الإخوه بشوفة العباس زينب

تبادرت نورين من الحاجب ومن المحجب

وبضوه النورين زهرت كربله وخدر المرتب

زينب بشمعة فاطمة... زانت مصابيح السمه

وعباس فتحة مبسمة... طفت نار الضمه التهب

سيفي..... روح الحرس متعلگه بسيفي

وروح الفرات بجودي.... عالماي أضحي وجودي

عيني دخذي يزينب ماي البعيني