ناديت تدري ابحالي .... ياريت تدري ابحالي

يبويه علتي عله... و أجر ونه بأثر ونه

دليلي امصوب ابفرقاك.. لا تنشد بعد عنه

أشوفك منذبح عطشان و اتريد ابماي أتهنه

ناديت تدري ابحالي .... ياريت تدري ابحالي

عليل و دمعتي تجري.... مثل دم نحرك اليجري

دفنتك بيدي يا بويه ....عجيبه و لا نفذ صبري

انهدم حيلي اسهرت ليلي.... قبل عمرك خلص عمري

ونيت تدري ابحالي.... ياريت تدري ابحالي

خلص عتبي انقطع قلبي ....و عيني تربي ليتامك

يبن حيدر شفت خذر....اتحوم ابحرقت اخيامك

القلب ضامي الدمع هامي.... و من آلامي و آلامك

و حنيت تدري ابحالي.... ياريت تدري ابحالي

احرقت روحي ابجمر نوحي و دمه اجروحي مثل دمك

خيم تلهب حرم تنحب شفت زينب لفت يمك

صحت يا بويه أتمنه انطرح جسمي قبل جسمك

ووفيت تدري ابحالي.... ياريت تدري ابحالي

الدمع هالي عله اعيالي.... أحير ابحالي لو حالك

نزف دمعي اختلف وضعي.... حرت يا بويه بطفالك

إخذ صوتي قرب موتي.... لفن آجالي و آجالك

قبل عمرك خلص عمري.... ياريته و لا خلص عمرك

غذر دهري و لا أدري.... قطعوا نحري لو نحرك

حرت بمري و شفت صبري ....قطره من بحر صبرك

وشلقيت تدري ابحالي.... ياريت تدري ابحالي

يا بويه من عقب عينك.... جور الدهر عاداني

أون و أنحب و أنوح اعليك.... وبهالوضع خلاني

إجيت المصرعك لاجن ....شفت ما تطفه نيراني