انت البحر و احنه اكَلوب عطشانه ... أنت الفجر و احنه اعيون سهرانه

ابكل شهقة نفس نلكَاك ويانه

يحسين انعوفك يردونه ... عنك هيهات يمنعونه

أنت اعيونه و احنه الجفن يحسين ... هم شايف جفن يتفارق اويَ العين

طالت فركِتك لا سنه و لا سنتين

نسهر و بكل نجمه انشوفك ... أنت العين اشلون انعوفك

احنه اوياك مثل العمد ويَ الدار ... لو راح العمد تتهدم و تنهار

الغصن لو ذبل وياه تذبل الأثمار

أنت الماي اللي تروينه

وافانه هجير العمر و أنت الفي ... نحب وصلك مثل حب العشب للمي

و احنه اوياك مثل الشمع ويَ الضي

لو رادت ريح اتطفينه

يمن قاعك شفه و تشفي العلل و الداي ... إنفتح بالغربه جرحي و شع علي ادواي

يا روحي و حياتي و أغله من دنياي

يا الساكن ما بين اضلوعي