الأمه يا نور النبوه و آلها شرف حبك تزكية أعمالها

أمة المختار يا ريحانته بيك ملتزمه يبن سر هل أته

يا هو مثلك صان عزة أمته و حفظ من شر الظلم أجيالها

و انت يا مخذوم أملاك السمه ابخدمتك حصلنه أشرف أوسمه

اقلوبنه ابحبك الطاهر هايمه و حبك ايعبد سبل آمالها

يبن من توجه الخالق بالغدير ابخدمتك وياك واصلنه المسير

الك ما يحصل ابها العالم نظير و رتبتك محد كسبها و نالها

يمن ربك واهبك أعله الرتب عهد عدنه اوياك بالدم انكتب

إلك كل واعي يبو اليمه انجذب و سيرتك يتبع أثر منوالها

و دور هالخدمه الشريفه انمارسه و هالمجالس النه صارت مدرسه

للهدايه و للعلم متأسسه و ثبتت ابقاع الشرف آصالها

خدمتك يحسين للعالم شرف بيها كل مخلص وفي و حر اعترف

هدف هاي الخدمه أشرف كل هدف هدف يضمن للمله استقلالها

ابصدرك استقبلت يحسين الرماح و منك اعرفنه مضامين الكفاح

ارسمت النه ادروس من دم الجراح حين للذله اكسرت أغلالها

و ادخلت يحسين ساحات القتال ضامي اقبالك طفح ماي الزلال

و نار قلبك صفت مشعل للنضال و الحرب تكشف صمود ارجالها

اوهبت للإسلام روحك يا غريب و طحت بالميدان و ابدمك خطيب

ضجت اعليك العوالم بالنحيب و عقبك الدنيه تغير حالها