موقف الأمه خطير .... وينهم أهل الضمير

بعده صوت حسين يهتف .... لا معين و لا نصير

وينهم أهل الضمير

نفتتح موضوع فكري غامض و يطلب بيان

انشوف كل إنسان يثبت مركزه بأرع أركان

ذات و إحساس و ضمير و فكر يبحث عن ضمان

أقسم و إطرح و اجمع يطلع الحل الأخير

وينهم أهل الضمير

ليش خصصنه الضمير و غيره بالحل انترك

هوه لينجي و يوضع صاحبه ابوسط الشرك

و امتحان الناس يظهر بالشدد و المعترك

هذا يوم الإمتحان و هذا تقرير المصير

انقدم اطروحة معارف بالفكر مو بالكلام

ليش كل إنسان يجرم من يصيبه الإنفصام

و ليش هاي الحاله تزرع هالبشر للإنتقام

انريد حل هاي المسائل و بأناملنه نشير

نوجد الحل الوحيد و نقطه نوضع عالحروف

يظهر السبعين ألف الجنو ابيوم الطفوف

و أبو اليمه إقباله ينظر جيش متحشد اصفوف

جيش سبعين ألف طاغي و كافر و مجرم أجير

شاهد اجسوم الصحابه بين مخضوب و تريب

و شاق أهل النبوه بين مذبوح و سليب

ظل أبو السجاد وحده بين هالوادم غريب

مثل هالموقف ميحصل لا مثيل و لا نضير

التفت لجسوم الصحابه و صاح يا نعم الصحاب

وحدي ما بين آل اميه و الأمل عن عيني غاب

لن يشوف الجثث صارت تضضرب فوق التراب

امغسله ابدم الشهاده امجفنه ابداري الهجير

عقب ما أيس حسين و جفه صافح مصرعه

رجع لخيام النبوه و حنه اضلوع الفاجعه

و صاح يا زينب ابدمتج هاليتامه امودعه

زينب اتجاوب اخوها ليش بعيونك تدير

ودع العيله الغريبه و طلع من امخيمه

ظهره مثل القوس محني و قصد صوب الملحمه

منفرد ما عنده ناصر غير رمحه و صارمه

لا معين اللي يعينه و لا مغيث و لا مجير

طلع مثل الليث يمشي و طلعت اوياه الهمم

هجم عالجيش ابثباته و هجمت اوياه الشيم

و طاح عالتربان لاجن طاح من غالب علم

جالت الخيل اعله صدره و جسمه من دمه عفير