نحيا و نموت اوياك و الكربله منعوفك أبداً يبن عقد الوله

و انعوفك اشلون بأشد موزمه و اعيالك ابهالغربه تشجي الضمه

جيمان آل اميه اعليك متحشمه غايتها تسبي ليك و العايله

من هالقلوب ايصير ليك الدرع يحسين و انخليك وسط الضلع

و ايصير الك ماي الجري و الدمع تبقه الدموع الغربتك هامله

انته الكرم و الجود و انته الهمم و اشلون نترك ليك معنه الشيم

نغدي لك ابهاليوم سور الخيم عن آل اميه الظالمه الجاهله

لو تزحف اعلينه الأعادي زحف سبعين نغديهم سبعين ألف

رايتك تبقه يبو اليمه ترف كل ألف منهم واحد ايعادله