ما بين العباس و جاسم.....إموادع و انشوف الله اشقاسم

واحد كاتب بجفوفه تانيني يالماي.....واحد يحجي اويه اشموعه أتحنه بدماي

إموادع و انشوف الله اشقاسم

حومه و غبار الخيل ظل يتنثر.....ووجه المعارك بالعجاج إتغبر

لن جابوا امن الحرب جسم الأكبر.....خلوه بالفسطاط دامي امعفر

إجتمعت عله الجثمان فتية حيدر.....و إنشوف منهم يا أمر يتقرر

صاح العباس آنه الأبرز .....جاسم صاح آنه المتحفز

واحد يحجي اويه الثاني..... جاسم بده ابهاي

قال آنه أرد أدخل ميداني..... أتحنه بدماي

إموادع و انشوف الله اشقاسم

العباس ناده و قلبه لمتيم ذاب.....بركان صدره اتسجر ابنار إمصاب

جاسم يجاسم يا نسم عمري الهاب.....ابن اثنعش عام يالبعدك شاب

لا لا تطب للحرب يبن الأطياب.....هالمعركه إسيوف و عواسل و إحراب

شنهو اللي شايف من عمرك.....حته اتروح إتقدم نحرك

إرجع يا جاسم إرجع..... يا حلم دنياي

لتقول أبرز للمصرع..... أتحنه بدماي

إموادع و انشوف الله اشقاسم

جاسم نده من جرح قلبه المدمي.....عباس يا ضي دنيتي ويا عمي

آنه امن أشوفك ينجلي كل همي.....جن شفت أبويه امن أشوفك يمي

أتمنه تتروه السيوف إبدمي.....و لا شوف جسمك قبلي يوقع مرمي

يا عم يا عباس أتمنه .....الأسياف الجسمي إيوذرنه

قلبي ايحقق كل ظنه..... ساعة مناياي

و أتمنه إبذال الحنه..... أتحنه بدماي

إموادع و انشوف الله اشقاسم

جاوبه العباس ابجفن دم ينضح.....ايحاجيه و إدموع المحاجر تسفح

إبعرسك يجاسم هذا واجب تفرح.....ما ريد إسمك للحرب يترشح

إعيون أمك امن الخيم ظلت تشبح.....ما أظن ترضه إتزفك اعله المذبح

يا جاسم إرحم حال أمك.....ما تصبر لو شافت دمك

هاي أمك ميظل عدها..... لا فكر لا راي

هالجمله لترددها.....أتحنه بدماي

إموادع و انشوف الله اشقاسم

ناداه جاسم و الدمع صب مدرار.....يا عمي أشعر جن ركن حيلي إنهار

خل نفترض إنته التسل البتار.....و قبلي تقابل جيش أميه الجرار

منهو اليظل يحرس إخيام المختار.....منهو اليرد لهفت بنات الكرار

عيله و ما غيرك يحميها.....و لا غيرك متكفل بيها

يا عمي و آنه الرايد .....أستقبل إعداي

و آنه الواعدت الوالد.....أتحنه بدماي

إموادع و انشوف الله اشقاسم

ما بين ما دار الحوار المرسوم.....لنهم يشوفون الغريب المظلوم

يمهم حضر و الوجه شاحب مهموم.....قال إلهم الموت إلنه أصبح محتوم

كل فرد منكم لو افقده ابها اليوم.....يفجعني و أجري دمعتي اعليه إدموم

إمصيبتكم تهضم وجداني.....يالواحد أغله امن الثاني

إنته إتقول آنه الأول .....و الرايه وياي

و إنته إتقول آنه أتأمل.....أتحنه بدماي

إموادع و انشوف الله اشقاسم

عباس لازم رايتك تبقه إتلوح.....كافل العيله و ما يصير إنته إتروح

و إنته يجاسم يا أعز من الروح.....ميصير أشوفك بالحرايب مطروح

لو شافتك امك صريع و مذبوح .....لا شك تموت امن النوايب و النوح