يا محبوب يا محبوب .... بيك انذوب يالغالي

انت الروح انت الروح .... يا الماتروح عن بالي

يا حسين المحب ناداك

تنبع طيب يا منهل يا البيك المحب ولهان

عاهدنك و انوقع توقيع ابدمه الشريان

مهما صار ما نبعد عنك يا أعز إنسان

و اللي راد من عدنه حجه عنك و برهان

جبرائيل هز مهدك بأمر الخالق الديان

سرك لاح من فطرس يا مرجع إله الجنحان

هالأسرار هالأسرار .... بانت يوم ميلادك

و الأكوان و الأكوان .... تزهي بروح أمجادك

بإسمك صاحت الأملاك

بالتفضيل ما شفنه مثلك بالبشر أجمع

إلك يحسين قدسيه ابمدار العالم الأرفع

ابجنح الليل من نورك عله الدنيه البدر يطلع

و المصباح بوجودك شمس و اعله البشر تسطع

كل ذرات هالعالم شغفها حبك الأروع

و احنه اشلون مما نظهر عشقنه و بيك نتلوع

حبك صار حبك صار .... بالأفكار تدوينه

انت النور انت النور .... عل الإخلاص تهدينه

رغم الخالفك نهواك

إلك يحسين جذبتنه محاسن وصفك الكامل

و اعشقناك عالفطره تبعنه نهجك الشامل

عدنه اجواب عن حبك قبل ما يسأل السائل

بيك انذوب يالأوحد نحبك رغم كل عاذل

ملتزمين منهاجك و أبد ما نقبل الباطل

اتظل اوياك سيرتنه دربنه اوياك متواصل

عن إيمان عن إيمان .... نتبع دوم خطواتك

يا ريحان يا ريحان .... تنفح طيب نسماتك

يا روضة عشق شفناك

للمختار ريحانه و يا أطيب عطر فواح

حبيناك يالغالي حبك سكن بالأرواح

انت اهلال صرختنه و انت الشمس و المصباح

و انت البيك يتكمل نور البهجه و الأفراح

انت الخير و الرحمه و انت العدل و الإصلاح

يا طاووس و بحسنك ناشر بالموده إجناح

هالأحباب هالأحباب .... مجموعين بالمحفل

بالميلاد بالميلاد .... كل الخير نتأمل

يا بحر الكرم يمناك

هالأفراح جمعتنه و للمحفل تعنينه

إبشارة خير بالمولود تبشرنه و تهنينه

ابلهفه و شوق حملتنه إلك موجة شواطينه

حبنه اشراع و يخفق على مركب أمانينه

ابها الميلاد فرحتنه سحر ودك يبارينه

بالشريان إلك نعزف لحن حبنه و أغانينه

مولد نور مولد .... و ايزفون هالبشره

للمختار للمختار .... و الكرار و الزهره

و انجدد عهد ذكراك

يا من بيك يتمثل وجود المصطفى و حيدر

يا برهان دين الله الحنيف و جدك المصدر

لو ما جان تكوينك غصن هالدين ما أثمر

جفك فاض إحسانه عله الدنيه يبو الأكبر

و احنه اردود عاهدنه عهد وياك يتقرر

مهما جار بينه الضيم نحبك أكثر و أكثر

احنه اوياك احنه اوياك .... عدنه اعهود نحفظها

و العذال و العذال .... واجب دوم نرفضها

ما لحظه افكر ينساك