إجتني بليل گالت لي أريد أقره إلك جفك

نطيت ايدي و بدت تقره و تحجي گامت بوصفك

گالت لي استمع يا شاب إنته هايم بولفك

لكن تدري هذا الحب غالي الثمن و يكلفك

و بدت تشرح لي عن اسمك و عن طبعك و عن لطفك

گالت بسمه يبدي الحاء حاء الحب صبح حرفك

و حرف الثاني حرف السين سماء بنورها اتحفك

و ثالث حرف الياء يقين و شاخص الطرفك

و رابع حرف حرف النون نسيم ينسم بعطفك

حبيبك هذا يتسمه حسين اتعرفه و يعرفك

هسه إنطيني إيدك ديج أريد الولفك أقرى له

حبيبك جالسمه و خده الشمس و الحاجب اهلاله

حبيبك جنة الفردوس تفوح و تنفح بجاله

حسين اسمه و اله الكون أبد ما خلق أمثاله

حبيبك رادك اتصلي و تسلم عالنبي و آله