بين زودك .... يا جسام

يجاسم يبني يا مية هله و حياك .... اوليدي اليوم أمك طلب عدها اوياك

أشوف الحومه يبني امهلهله الملقاك .... و العمك أريد اتقول عند عيناك

بين عزمك.... يا جسام

يا بعد أمك .... يا جسام

عودك عينه تربي اعليك يوليدي .... و آنه اتمنه عيني اتشوف تعبيدي

أريد اتقول لجيوش الكفر زيدي .... آنه ابن الحسن فن الحرب عيدي

تحمي احدودك.... يا جسام

يفرح عودك.... يا جسام

عودك عنده ثار و دين عالظلام .... و هذا الثار ذمه اعليك يا جسام

و المثلك يخلف عينه خل اتنام .... الثار الثار يبني و بيدك الصمصام

ظنوة حيدر.... يا جسام

خليني أفخر.... يا جسام

و أبشرك يمه خليني هالبشاره .... لا تهتم لون دمعاتي تتجاره

عيد أمك تشوفك تدحر الغاره .... و أريد أفخر يا يمه ابتعبي و أثماره

هذا العسكر .... يا جسام

طب و اتخير.... يا جسام

نزل للحومه و ابهيبة علي امتوج .... لن خيل و زلم بالخوف تتموج

يمشي ابهيده و الحومه غدت ترتج .... و خلاها زلم عالزلم تتفرج

يا حي جفك.... يا جسام

كلها اتعرفك.... يا جسام

جاسم هذا جاسم بالحرب معلوم .... عمه حسين عوده المجتبه الجيدوم

يهم ابسير نعله و ما يهم بالقوم .... الله اوياك قلب أمك عليك ايحوم

كملت زفتك.... يا جسام

و الدم حنتك.... يا جسام