أرد أنشدك بعد يا ناعي المصاب و منك أطلب تفصح ابرد الجواب

إخبرني عن احسين مهجة فاطمه صدق شيبه اتخطب ابفيض الدمه

و صدق هالرووا دليله امن الضمه و بالمثلث جبده يا ناعي إنصاب

جذب حسره و جاوب ابلوعه وونين ايقلها شحجي لج بعد يم البنين

إنصاب جبده و الحجر دمه الجبين و ظل ينازع وحده و بلوعه و عذاب

هدمت حيلي تقله اشها الخبر ريت جبدي ايصوبه سهم الكدر

تدري ضلع الزهره مرتين انكسر من مصايب كربله و دفعة الباب

لطمت و صاحت و دمعتها تصب احسين يا روحي و يا سباح القلب

تنذبح عطشان يبني ابيا ذنب و انت بن خير الوره سيد الشباب