حسين حسين يا حسين

يا حسين الك مجره الدمع ما ينشف و ما ينقطع

زينب تراني بهالوضع وانته اعله حالي مطلع

صوت المصيبه يرتفع لخيمنه من صار الفزع

عالغبره شفتك منصرع نحرك يخويه منقطع

من داسوا احدود الخيم ناديتك و صحت بألم

لحق يخويه اعه لحرم العيله انسبت يبو الشيم

ركن الصبر مني انهدم من السلب محد سلم

و آمالي خيبها السهم لمن وكع راعي العلم

ودعتك و حيلي دمعي همل ما ظل بعد عندي أمل

فاركني يخويه الأجل فكري يبو اليمه اندهل

وين التعهد و الكفل خل يقعد ايشوف اشحصل

عشنه المذله و الوجل و محد على زينب سأل

يالعفتك بطف كربله وجهك على وجه الفله

متحيره و متوجله رحت وي سبي العايله

بصوت الشمر وليه وله امتوني يبن عقد الوله

مكفوله جنت امدلله و هسه صرت متكفله