بإسمك نهتف من نتطبر حيدر حيدر حيدر حيدر

لو وكت المصباح ايصير نرفع قامات التطبير

عن إيمان و عن تفكير نمشي و عالأخطار انسير

ما نتغير حيدر حيدر حيدر حيدر

نرفع بيدينه القامات حيدر حيدر هالصرخات

نكتب من دم الطبرات خالد ظل نهجك ما مات

انت المصدر حيدر حيدر حيدر حيدر

و من كل طبره اتسيل ادموم نتذكر دم المظلوم

ثار حسين أصبح مرسوم يتجدد بينه ابكل يوم

صرخه و تظهر حيدر حيدر حيدر حيدر

باجر دمنه ايظل مسفوح و ايواسي حسين المذبوح

مو بس هالراس المجروح ننطي المهجه و ننطي الروح

ننطي المنحر حيدر حيدر حيدر حيدر

إسمع دم الطبره اشصاح من يطلع وجه المصباح

نرخص لك دم و أرواح هذا الحق هذا الإصلاح

هذا الجوهر حيدر حيدر حيدر حيدر

باجر دم كل طبره ايسيل يترك آثار الكل جيل

فكره و ما تقبل تأويل و لا تغير ولا تبديل

و عدنه المحور حيدر حيدر حيدر حيدر