وين اتريد يالحادي قلي الياكتر منواك

لتروح و تخليني بالله اعليك إخذني اوياك

أنشدك بأهلي وين اتريد اهنا يالحادي حاجيني

منوه اظعونك اليا صوب ابحيره لا تخليني

و لتخليني ليل انهار و أشبح بالنظر عيني

و ما أقدر عله الفرقه و نخوة منفجع أنخاك

قلها الحادي يا طفله طويله السفره و المده

صعبه اعليج لو تمشي ما ظن للظعن رده

اعله أهلج هالأمر مكتوب و عاللوح انكتب وعده

و اللي معتني الخطار و يتقرر مصيره اهناك

تقله انجاني طفله و هاي أطفال وياكم

أخذتوا اليرضع و ظلت أعيش اهموم فرقاكم

أنادي و علتي ابقلبي و قلبي اشلون ينساكم

يا قلبي لو مشوا عنك اويا هو بالغرب يرعاك

ابونينك يا قلب ظليت تعيش اهموم فوق اهموم

و لا واحد رحم حالك و ياللي ابعلتك مالوم

و ظعن اللي مشه عني يرجع للوطن يا يوم

و من قبل الأجل يا ريت و ترجع يا ظعن و ألقاك