إلهي اعليك نقسم بالغريب حسين و ابعين القمر عباس و الجفين

إلك نرفع يرب الرحمه دعوتنه إرحم حالنه ابلطفك و غربتنه

و اتقبل عملنه و هاي خدمتنه يا سابق الرحمه و خالق الكونين

إلهي ابشيب البدم جبهته مخضوب و ابجسمه العله التربان ظل مسلوب

إغفر يا إلهي اشما علينه اذنوب و ابزينك الواسع استر اعله الشين

إلهي ابدمع شيعة حيدر السجاب و اشما جره اعله أهل بيت من امصاب

حنينه و نريد انزور داحي الباب وشنصبر بعد لا سنه ولا سنتين

إلهي انت السميع الما ترد مطلب و من حبل الوريد العبدك الأقرب

يناجيك الغريب العايش امعذب و من حيرته ادموعه حفرن الخدين

رفعنه اجفوف ايدينه و صحنه يا معبود علينه ابجودك اتلطف يراعي الجود

يا يوم الغريب الديرة أهله ايعود و إذا مو إلك يشكي يتجه لا وين

يا من بالوسيله اتريد لك تدنه وسيله غير أبو السجاد ما عدنه

و كل صبح و مسيه ايزود إله ودنه مثل طير اليحن و يصفق الجنحين

شملنه ابكل كتر متشتت اتشوفه و لبو اليمه نحن بقلوب ملهوفه

القبره انريد نقصد نسعي و انطوفه و القبر ابو اليمه شابحه جم عين