وي رواحلكم رحل مني القلب و أعله ريحة حبكم أنذل الدرب

و من أسكت القلب دمعاتي تصب يا بو اليمه افراقك اعلينه صعب

مشبوحه اعله دربك يا العزيز العين

راح كل تعب السنين ابروحتك طولت يا حسين عني ربتك

و تدري دنيتها و أملها ابشوفتك و عينها الدربك تناطر جيتك

تحن الشوفتك يا الرحت كل حين

شهر صار اسنين جن هذا الشهر و انته منك لا وصيه و لا خبر

ابكسر ضلع أمك ضلع صبري انكسر و تدري بثلاثه فديتك و القمر

إلك هالأربعه يا سلوتي امضحين

لا تطول الفرقه مليت الصبر و من أصد للدار بعيوني قبر

و الدمع من عين أحس ينزل جمر و ردت يمك أقضي اسنين العمر

أحس ابفرقتك جنها اتمر اسنين

صدق ما راضعتك ابصدري لجن كل عطف روحي الجنيته امن الزمن

إلك و الزينب وهبته و للحسن من بنيني اعليك أحس قلبي أحن

أنه امن انين و الفرقه إجتني امن انين

لا و حق محراب حيدر و الضلع ما أبطل النوح لا سيل الدمع

لمن ويه الجفن يا حسين أنجمع باللحد و الون يظل ما ينقطع

و بقبري ونتي و صيحتي يا حسين