نلطم و الدموع اعليك سجابه و نبگه انصيح آه يا حسين و امصابه

امصابك للحشر نيرانه ما تطفه و لا دم اليفور و ينگطع نزفه

و اصواب المثلث جرحه ما يشفه لمن يظهر الثاره الطول اغيابه

يا حسين البلحبك ذايب و مجنون ما يبخل عليك ابدمه و دمع اعيون

اشما ننطي نطحي انگول هذا ايهون اويا عاشگ يهم بالموت و يهابه

يا حسين و عشگناك اعله فطرتنه و شفناك المصير البيه كرامتنه

يا سر آخرتنه و شمس دنيتنه الريه احنه محبتك نسمه جذابه

احنه اويك عشرة حب تعاشرنه ملكت اگلوبنه و دمنه و ضمايرنه

تنعاك ابلطمها اتظل منابرنه يالگبرك كحل لعيونه اترابه

شتوفي دموع و توصل المطلوب جبينك و الحجر لو جبدك المصيوب

راس العل رمح لو جسمك المسلوب و من كثرت اجروحه يكلف احسابه

و صدرك سيدي اصوابين صابنه مره الشمر فوگه ابرقبته أثنه

و مره الخيل جالن فوگه رضنه من مثلك ذبيح امسلبه اثيابه

شذكر يا مصاب الما يريد ادموع جبينك و الحجر لو نحرك المگطوع

و يا مفجوع مثلك بالخلق مفجوع يعاين كل هله اتذبحت و أصحابه

و طفلك و السهم من صوبه يحسين و من حر الضمه الوجهك يدير العين

و من حل لگماط و طلع الجفين طوگ رگبته من شدة اصوابه

و شيبك مرتين ابدمك اتخضب و يا مره العليك الاشد و الاصعب

جبينك لو نحر عبدالله المصوب بجه اعله الجليل و رسله و اكتابه