ما ننساه ما ننساه امصاب الباقر ما ننساه

ابفيض الدمع و العبره نبگه نجدد ذكره

إمصاب الباقر ما ننساه

إحنه عله الباقر نهل مدمعنه و إمصيبته من كل سنه تجمعنه

حگه يلوم الما درس واقعنه ما يدري بس حبه الذي ينفعنه

حبيناه حبيناه عود الصادق حبيناه

عن حبه ما نتبره نبگه نجدد ذكره

إمصاب الباقر ما ننساه

أنصاره إحنه و شيعته و احبابه ويانه نار امصيبته لهابه

نبگه نجدد يوم ذكر إمصابه تبگه مدامعنه إله سجابه

جددناه جددناه عهد الوفه جددناه

للباقر ابن الزهره نبگه نجدد ذكره

إمصاب الباقر ما ننساه

هذا الإله أرسل سلامه المختار و إنتشرت إعلومه الجميع الأمصار

بالغدر جازاه اللئيم الغدار طاغي زمانه و جرعه كثره أخطار

ما راعاه ما راعاه خصمه أبد ما راعاه

بيه فجع كل العتره نبگه نجدد ذكره

إمصاب الباقر ما ننساه

هذا الإمام ابن الإمام المعصوم وسفه عليه خلص حياته مظلوم

ابيا ذنب نستشهد نناشد مسموم للموت مجلسنه عله امصابه ايدوم

شيدناه شيدناه ماتم إله شيدناه

بيرغ حزنه إنشره نبگه نجدد ذكره

إمصاب الباقر ما ننساه

خل تسمع الناس الذي عادتنه حب النبي و آل النبي ابفطرتنه

تدوي حسينيه تظل صرختنه و عالباقر و فگده تظل دمعتنه

لا والله لا والله منعوفه أبد لا والله

مجلس إمصابه إنحضره نبگه نجدد ذكره

إمصاب الباقر ما ننساه

الفگده مدامعنه دمه نجريها و راية حزنه عاليه إنخليها

بضعة محمد فاطمه إنواسيها و إمصيبة الباقر نظل نحييها