روحي اتودك مثل الأكبر ... ما بالغ لو قلت لك أكثر

رد يا جاسم لا تتوذر ... مثل الأكبر

يا شمعة آل هاشم عمك آنه احسين ... خايف لا ينولك مني جف البين

حاير يابن أخويه وين أضمك وين ... ابدليلي ابمهجتي ابروحي ابسواد العين

إرجع يابني ورد لمجانك ... لا تتبعد عن صيوانك

خوفي اتنولك هاي العسكر ... مثل الأكبر

ماريدك يجاسم للمنايه اتروح ... و تتراكم عليَ اجروح فوق اجروح

يكفيني علي إقبالي وقع مذبوح ... لا تزيد هضم قلبي و عذاب الروح

يكفي الأكبر طاح إقبالي ... إتريد اتزيد هضمت حالي

تريد اتضحي هم تتعفر ... مثل الأكبر

اهلال و بعده لسا ما كمل بدرك ... تريد اتروح تنطي للذبح نحرك

شنهو الشفت يا جسام من عمرك ... حته اتضحي و اتراب الثره ايعفرك

بعدك لسا ريم و تمرح ... وينك إنت ووين المذبح

عقبك روحي اتظل تتكدر ... مثل الأكبر

وديعه امن الحسن ودعك يا جسام ... عليك امن الخطر حافظت عشر أعوام

بواسدة خاطري تغفه جنت و اتنام ... تريد اليوم أسلمك بيدي للصمصام

ابروضة قلبي اتنام و تهجع ... ما تحلالي اتنام ابمصرع

خافن جثتك لا تتنثر ... مثل الأكبر

يا ريم الجنت بين القلب ترعه ... اضلوعي كل ضلع يابني إلك شمعه

ماريد ابزفافك ضامري اتفجعه ... و لا ريد أطفي هاي الشمعه بالدمعه

يا جاسم لا تهضم روحي ... تحفر جرحك ويَ اجروحي

انت ابعيني اهلال و أزهر ... مثل الأكبر

يا جاسم للأجل حانت مواعيدي ... و آنه الما لويت اعله الحزن جيدي

هذا إقبال عينك طايح اوليدي ... تريد النوب أسلمك للحرب بيدي

إرجع و ارحم نار امصابي ... ليش اتهيج بيَ اصوابي

هذا الموت اعليَ امقدر ... مثل الأكبر

ناداه أمي بعثتني و إجيت اليوم ... عازم عل الحرب يا عمي يا مظلوم

عقب ما ودع عمه و قصد للقوم ... و اجفوفه تحنت من مسيل ادموم