هايم بحبك أنا يا ابن الزجية ... وما أزل عنك حبك ليوم المنية

بعد داري لا يهمني ولا يهمك ... ليل ونهار أنت يمي و آنة يمك

يا جتيل الغاضرية ... يا جتيل الغاضرية

آنة بمحبتك هايم خل تلوم أهل الملامة

حيث حبك أبدليلي ﭽالقمر سيطر نظامه

جسمي عنك لو تبعد روحي ظلت ﭽالحمامة

هاك أخذ من العهد بالمية مية ... لو يقطعوني يا ابن حامي الحمية

عن محبتك ما أميل وصوتي بسمك ... انهج وصار أعلة شاشة قلبي رسمك

يا جتيل الغاضرية ... يا جتيل الغاضرية

منشغف بهواك قلبي ومالي غيرك يالهواية

طينتي انعجنت يا ابن حامي الحمى بماي الولاية

واسلك مسلك رضاك وصرت بدروب الهداية

وحقق آمال قلبي و هاي هية ... وللمحب محبتك أعظم عطية

أي وحق رب الرفع عنوان جودك ... أنجحت آخرة و ودنية بسر وجودك

يا جتيل الغاضرية ... يا جتيل الغاضرية

و الخصم ظن عنك آنة لو اصد ويبعدوني

بعد راح أنساك لكن دارك بشحمة عيوني

حبك بدلالي زاد و هالعداة خل ينظروني

و ارجع للروضرتك باسم الله ونبيه ... يالتشع روضتك ﭽالجنة الزهية

و اشﭽي بالجار وجرى و أنظر لﮔبرك ... ليل ونهاري أنا كون احي ذﭽرك

يا جتيل الغاضرية ... يا جتيل الغاضرية

روضتك عرش الجلالة لجن مبنية بإرادة

علأرض ولكون يعلم هاي لك أعظم سيادة

روضتك كعبة الوفاد وشرف لهل السعادة

روضتك نور ويشعشع لثرية ... روضتك يا حسين آية اعلوطية

روضتك مرآة تعكس لينا عزمك ... روضتك نور المحب نار اعلخصمك

يا جتيل الغاضرية ... يا جتيل الغاضرية

روضتك كل الﮔصدها أبد متخيب اضنونة

كلمن لروضتك ينظر دمع يهمل من عيونه

حيث يتجسم مصابك جمر حزنك ما يهونة

يذكر مصاب الجرى بالغاضرية ... عقب عينك وش بدا من أهل الرذية

عترب بين الأعادي طاح جسمك ... لﭽن اليوم الحشر ظل خالد اسمك

يا جتيل الغاضرية ... يا جتيل الغاضرية