و إنته اعله درب الإيمان متمسك ابدستوره

و انطلق من هالتوحيد و ازدهرت المعموره

أول رجل من الكون صدقت دعوة دينه

وين اليعبدون أصنام وين لمجلجل عالدين

وين اليخوض الغزوات و البلشرك مغمودين

وين المشو للأطماع وين الجهاده ابسيفين

إنته ارتضاك المعبود و احنه ابولاك ارضينه

خصك الباري بتفضيل من لطفته و احسانه

اثلميت آيه و اكثر أنزلهن بقرآنه

سبحانه رب الانطاك هذا الشرف سبحانه

خوة محمد وياك عز و شرف تكفينه

هاك اخذ صرخة تصديق بولايتك يا حيدر

لو يقطعونه اعله اهواك أبداً فلا نتغير

لازم و ملزوم اوياك من الأزل للمحشر

و اللي يدورنه اهناك يم رايتك يلقينه

مفروض حبك عالناس و اثلث فرق بيه صارت

فرقه التعبدك بالذات بسفل جحيم انهارت

فرقه الحقد عاميها عن الولايه اندارت

و احنه التعاهدنه اوياك و اعله العهد ظلينه

حبك يزكي الأعمال حبك صلاتي و صومي

حبك فرج للشدات حبك يزيل اهمومي

حبك نجاة امن النار آنه و هلي و كل قومي

يوم النزورك عالحوض كوثر عذب تسقينه

أهل القيامه بهوال و احنه النتبختر بيها

نحمل ابحبك سيمان لعيونهم يغشيها

و نعتق الحبك أكسير لجهنم ايطفيها

لو حبك يدخلنه النار و النار ما تاذينه