يا من اتحامي دخيلك ... قوم لينه يا علي

من هضمنه نشتكي لك ... قوم لينه يا علي

رجع عتبه و الوليد ... و ابن مرجانه و يزيد

قوم هذا العامري و مرحب رجع ... و هذا ابن العاص جم مصحف رفع

و رجعت أصحاب الضلاله و البدع ... و من دمانه السيف بعده ما شبع

و هند ردت من جديد ... و ابن مرجانه و يزيد

قوم نترجاك يا خير العمل ... لينه رجعت يا علي ام الجمل

و القميص املطخ ابدم الدجل ... و احنه غيرك بعد ما عدنه أمل

شاخت الجانت عبيد ... و ابن مرجانه و يزيد

يا علي بالصار أظن عندك خبر ... ابمرقد الهادي الحقد كله انفجر

و ناس التبغضك يمن بيك الفخر ... ما تريد الشيعتك يبقه أثر

حكم سفياني تريد ... و ابن مرجانه و يزيد

يا علي هاي الضحايه ابكل كتر ... و بمناحرنه يحز سيفه الشمر

بعدما ظل عدنه يا حيدر صبر ... و الله لو مرجعنه ينطينه الأمر

نسحك أصحاب الرشيد ... و ابن مرجانه و يزيد

ناس التفسر الضعف هذا سماح ... زمره ما تفتهم بس حجي السلاح

انقلهم أقرب موعد اعلينه الصباح ... و احنه تعرفنه البواتر و الرماح

و ندخل الحومه و تميد ... و ابن مرجانه و يزيد

آخر انذار الهم انرفعه ابيقين ... مو مثلهم احنه ناس و عدنه دين

ننتظر فتوة جهاد و حاضرين ... انعيد خيبر بإسم أمير المؤمنين

و نكسر الخشم العنيد ... و ابن مرجانه و يزيد