يظل ذكرك ** وحق عمرك ** عله إلساني

علي الليله** ابحمه العيله** ابحمه زينب

يدير العين** الحسن واحسين** ابقلب يلهب

إجت تسري** ابدمع يجري** تون تنحب

وحق دمك **يبويه اسمك** عله إلساني

لفت يمه** الأبو اتحشمه** ابقلب داوي

طبق جفنه** و ثقل ونه** السفر ناوي

سبل ايده** و لوه جيده** و صبح خاوي

أروح أوياك** جدب أنساك** عله إلساني

أظل وحدي** اشبقه عندي** عقب عينك

بلا والي** يدلالي** منو ايعينك

العقيله آنه** لا تنسانه** صحت وينك

تروح ابساع **أخير اوداع** عله إلساني

يسور البيت** صحت ياريت** أطب قبره

انهدم قدري** وفداء عمري** لجل عمره

الجرح يدي** الفقد جدي** و عله الزهره

يزيد النوح **لون اتروح** عله إلساني

الأبو من غاب** صده المحراب** يرن بذني

ابحزن ينعاك** انصبغ ابدماك** ويون وني

شفت نكبات **كِلت هيهات** أفك حزني

لحد ما موت **يظل هالصوت** عله إلساني

غبت عنه** فلا يهنه **العمر بعدك

تيتمني **ابزغر سني** اشفت منك

حزينه الدار** يحامي الجار** ابحزن حزنك

رحت يا حيف **ابمرور الطيف** عله إلساني

ابسمه التنزيل **يون جبريل** الفقد حيدر

همل دمعه** ابشجن ينعه **و نزل كبر

أصول الدين **ابسمه التكوين **هوه المصدر

المحب من صاح ** فده الأرواح** عله إلساني