جفك أصبح يا حيدر جف العباس

هالليله ليلة ميلاد ليلة تهاني و أعياد

إنت القدره الما وصفها كل إنسان وارث حيدر بيك إحتارت إنس وجان

زلزال انت و جفك زلزل للأكوان انت الصرخه البلطف دوت جالبركان

جم فارس بالطف جندل جف العباس

عن هالموقف روح إسأل جف العباس

سيف و رايه ابجفك آيه يا صوال انت الهزبر و انت القسور بالأهوال

نور ابوجهك نار ابسيفك جالزلزال جفك دمدمدم شيد هدم صال و جال

راية حيدر حاملها جف العباس

و زينب يا هو الكافلها جف العباس

نفس الجف الجندل مرحب جف يمناك نفس الشمره و ذيج القدره يا فتاك

من تزعل نيران و تجدح من عيناك تترادم تجفل عدوانك من طرواك

خلاها اليوم ابحيره جف العباس

يقطر حنيه و غيره جف العباس

هاليوم انولدت للخوه اجفوف اثنين زينب من فرحتها اتقبل هالجفين

و اعله اجفوفك حيدر يجري دمع العين ابجيت الإخو يا مرحبا صاح احسين

فرحان و شم ابلهفه جف العباس

و احسين إلزم ابجفه جف العباس

تشهد يا عباس الجفك كثره احروب يالبحروبك ماخذ شمرة داحي البوب

يا ما عن احسين ابسيفك زلت اكروب بالشده و بالكلفه ايندبك يا منذوب

ما يتعذر بالشده جف العباس

و اليتعناه ميرده جف العباس

هالليله انبارك بالمولد حامي الجار و أم البنين انشاركها يا مغوار

كل عقل اختل بوصافك ظل محتار من وجهك من سيفك يسطع نور و نار

يا هو اللي يقصد يكسب جف العباس

يقطر غيره لو يغضب جف العباس