روحي الملقاك ولهانه ... دمك يجري بدمانه

يا بواليمه يا مولانه

روحي مشتاقه الهلالك و إنته للأرواح سلوه

يا حسين ابنور حسنك صارت الأكوان حلوه

من طلع يحسين نورك اعلينه كل الكون ضوه

أشرف ولاده بالبشر ... مولانه يكفيك الفخر

مولود مثلك ما ظهر ... من عهد آدم و حوه

عودك حامي الحميه ... و أمك زهره الزجيه

جدك للعدل ميزانه

كل معاني الكرم و الحق كل خصال الأنبياء

كل شهامه و كل كرامه و كل دهر ويه الإباء

تجتمع لأمك الزهره فاطمه خير النساء

عودك معاني الغانمه ... عالظلم سل الصارمه

يهدي ابصلاته خاتمه ... ثاني أصحاب الكساء

بيك النورين انجمعت ... ثاني الحسنين بيك أهلت

و الباري ابحبك وصانه

إلك و المعراج يشهد عالتحمله من صفات

حسين مصباح الهدايه حسين مركب للنجات

عالعرش مكتوب شاهد طاها خير الكائنات

قرة المختار عينه ... بيك و ناده بالمدينه

إنته للأمه السفينه ... إنته ملجأ للأباة

إنته الأمه اتنجيها ... يوم المحشر تحميها

و الدين إتمم أركانه

عقب ما أعلن نبينه حسين مصباح الهدايه

ناده بالدمعه الولينه و قال يا حامي الرايه

أرد أخبرك يبو الحمله يا علي بأحزن روايه

منه المدامع هامله ... اشقله علي عقد الوله

سولف له قصة كربله ... ظني بيها للنهايه

ثالث شعبان فرحنه ... عاشر عاشور يفجعنه

فرحة دلالي و أحزانه

يبو اليمه أنصار إلك ظلينه رغم اعله النوايب

و اليحبك ما يعوفك بالفرح لو بالمصايب

بإسمك إنته يلهج إسمك و اليعاتب خل يعاتب

خل يلوم اللي يضدنه ... نفذ سمه و ما نفذنه

إلك و الله إيزيد حبنه ... إشما يلدغون العقارب

خله يهجرون أمتنه

..........................

ياللي تتسائل علينه إحنه أهالي الغاضريه

إحنه ذوله احنه يخوتي إشبول ابن حامي الحميه

لون تنشد عن حفلنه و سبب جمعتنه سويه

نور اعله الكون أملنه ... ثالث اليمه و فرحنه

أسأل الباري الجمعنه ... نرد يم شبل الزجيه

و إنحامي الدين و إحدوده ... ما ننسه حسين مجهوده