شعبان بيوم الرابع تزهي العوالم هالليله ايصادف مولد بدر الهواشم

ليله سعيده فرحه جديده

بمهد الفخر عباس يسطع جبينه من وجه يعكس نور أرض المدينه

الدار الإمامه اليوم كلنه اعتنينه و من الورد اكليل نحمل بدينه

ورد الخميله سحر الجديله

جينه انقدمها الحيدر بحر المكارم و انشارك مولد بدر الهواشم

ليلة سعد و أنوار باتت زهيه من مولد العباس طيب السجيه

أنقل الك أسرار جانت خفيه أظهرها باري الكون رب البريه

وبهالروايه كشف الخفايه

تاريخ العتره ايسجل هاي المعالم و بها الأسرار المحور بدر الهواشم

هالمولود بمعناه خير و مكاسب و أم البنين بهاي رسمت مناقب

هالحره شافت طيف أربع كواكب ايشابهون أوصاف بدر الغوالب

شافت قمرها يهوى بحجرها

شافت بالطيف أربع ضياغم أول ضيغم من عدهم بدر الهواشم

أم البنين بهاي نالت قصدها من شاهدت بالطيف فلدت جبدها

هالاربعه الأطهار بيهم مجدها عينتهم العباس كوكب سعدها

مصدر علمها فسر حلمها

بهذا المولود الأول نات مغانم عباس اسمه و يتسمه بدر الهواشم

من ولدت العباس هالليله أمه لن زينب بهالحال موجوده يمه

شالت اخوها بشوق تمشي و تشمه الوالدها راحت بيه و الصدره ضمه

بين ايد أبوها خلت أخوها

محد يعلم بالفرحه بس ربها عالم زينب فرحانه بمولد بدر الهواشم

زينب تصد لعيون والدها حيدر شافت وميض أسرار من عدها تظهر

يتمثل العباس ابنه و تبشر أده اللزوم اوياه و باذنه كبر

شاف ابنه شايل نفس الشمايل

عباس ايشابه حيدر نفس العلايم شيمة حيدر يتمثل بدر الهواشم

بمولد حليف الزود كلنه ابتهجنه بسم القمر عباس صحنه و لهجنه

هذا الرسم بالطيب صفحة نهجنه شمع الفرح لو ذاب نعلق مهجنه

اشموع الولاده تضوي بسعاده

فرحة شعبان و جمعت كل المواسم و الدنيه اتنور بهيبة بدر الهواشم