الليله الشيعة ملتمه ... و اتهني أبو اليمه

حفلتنه العلي السجاد ... طيب الجنه نشتمه

ملتمه و اتنادي بهاي لفراح ... و اتقدم البشره

الشيعه بهالولاده خلها ترتاح ... و القلبك اتسره

نور ابن الحسين الليله وضاح ... شعة بيها قمره

و انحقق أمانينه ... و بهذي تهانينه

ربي ايعودها اعلينه ... كل شيعي الفرح عمه

هاي الدنيه بالسجاد تزهر ... و اتنور حفلنه

والواجب اعلينه نجي و نحضر ... نجمع كل شملنه

و بحب الأيمه الليله نسهر ... لن همَ أملنه

همَ الرحمه للوادم ... خل يصحه الذي واهم

لا يظل بالوهم نايم ... و الما يعرف انعلمه

هالليله أبو اليمه قلبه مسرور ... بالسجاد شبله

داره اتزينت بنوار و عطور ... و الأفراح تحله

و الباري برحمته نزل الحور... ويانه محتفله

و أمواج دارت ... و بأجمل هنه صارت

كلها بصوتها نادت ... اعلينه نزلت الرحمه

يا الأحباب خل نقصد سويه ... و انودي البشاره

لحسين و علي حامي الحميه ... و للشعت أنوراه

و البشره نزفها للزجيه ... هاي أعظم تجاره

و اسمك سجله الليله ... بدفتر حامي ادخيله

علي العيون تربي له ... لن الكوثر بسمه

نطلب من علي السجاد طلبه ... من عنده رجانه

الدنيه اعلينه صارت تدري صعبه ... و الظالم ولانه

اليمته نظل يبن احسين غربه ... يا عزنه و حمانه

و بداك الصحن نقعد ... و بأشعارنه انردد

كل الحب إله و الود ... علي يجلي القلب همه