دين الإسلام و معناه .... لا إله إلا الله

محمد رسول الله .... عليٌ وليُ الله

دين الإسلام و معناه .... لا إله إلا الله

هاك إخذ يا صاح صوره عن حقيقه واقعيه

و عن جلالة هالشهاده و الشهاده جوهريه

لا إله إلا الله أعظم حصن صارت للبريه

و هاي الشهاده واضحه .... ابعالم العلوي ابلائحه

من الجلاله امصرحه .... تبقه حيه و دائميه

و الرب للهادي أوحاه .... لا إله إلا الله

هالشهاده نصف كفت لعد ميزان الخلايق

هالشهاده ذكر أمن امن العذاب و كون واثق

هالشهاده نور مصداق الرساله و الحقايق

هاي الشهاده بيه محي السيئات .... هاي الشهاده اتوصلك للغايات

هاي الشهاده ليك تصبح مرآت .... خبر عن عزنه الصادق

ذكر الشهاده مسراه .... لا إله إلا الله

عن شهادة لا إلا الله لو ردت تعلم

ابحار المجلسي تلقه بحر سرها تراكم

و طالع القرآن عن أسرارها لو ردت تفهم

و إخذ النتيجه الكامله .... و امشي عله ضيه ابكل عله

و اتنول أعظم منزله .... و لعد جرح القلب مرهم

بالعرش سرها تلقاه .... لا إله إلا الله

و الشهاده الثانيه المرسومه بأسرار العليه

كل أبي و مسلم الثابت بالرساله الأحمديه

واضح ابدلاله صوره من سيرها العبقريه

و ابنور طاها المصطفه .... و مهتدي بإحساس ووفه

مو بس يراعي العاطفه .... بالإراده السرمديه

و احنه انظل اوياه اوياه .... لا اله الا الله

و بأثر هاي الشهاده إكمال دين الله و نظامه

بعلي و آية التبليغ العلي أعظم كرامه

الله أرسل المحمد و النبي خصه الإمامه

بس العلي عقد الوله .... هاي الإراده كامله

من الجلاله ابمنزله .... و ثابته اليوم القيامه

و الباري واله الوالاه .... لا إله إلا الله

و احنه من نشأة الروح ابها الشهاده اعتصمنه

بالله و بختم الرساله من عذاب الله سلمنه

و احنه انوالي علينه و لازم انسمعه الخصمنه

منحيد عن دربه أبد .... مهما الجسم عنه ابتعد

القلب يمه ابكل جهد .... و ابسجل حبه انرسمنه

و انعادي كل العاداه .... لا إله إلا الله

احنه من يوم البدايه ابحامي الجار اعتقدنه

حيدر أول حيدر آخر حيدره عزنه و ضمدنه

لون ابخالص النيه بيه لذنه ما يردنه

هالأمر واضح كالشمس .... من حيدره خل نقتبس

روح الوفه و طيب النفس .... نحضي رادتنه و قصدنه

آخره و دنيه بحماه .... لا إله إلا الله