أنه القضت عمرها ابلوعه و بحسره أنه زينب عزيزة فاطمه الزهره

أنه من الزغر شفت الهضم و النوح تولاني الزمان اجروح فوق اجروح

بعيوني الفرح من الزغر مذبوح ألوج ابصدري دوم امكسره العبره

فقدت أمي و ابويه و جمعة إخواني و بقيت آنه و دمعتي و جمرة أحزاني

خلاني الوكت بالحسره خلاني الله ايعين قلبي ابمحنته و صبره

دوهني و كسر قلبي و ظلمني البين و ناري ما تطفيها دموع العين

آه يا حسين آه يا حسين آه يا حسين ما أنسه غربته ولا قطع نحره

عماني الطف يشيعه و تيهت دربي الشمر وي منحر ابن أمي قطع قلبي

متت لمن شفت عينه إلي تربي عله راس الرمح و العايله اتنظره

انهدم حيلي و خلص عمري و متت يا ناس من راح و بعد ما رد إلي عباس

بعد بيمن قلت افخر و أشيل الراس من طاحت يمنته و طاحت اليسره

متت من طبتي للشام مجتوفه و راسك ينظر و اعيوني اتشوفه

متت موتت رقيه ابلوعه ملهوفه بقيت و هسه وارت جسمي الغبره