من زغرها ربت وياها الجروح اينوح حته الصخر لو رادت تنوح

ايعينها الله اشلون ظلت عندها روح مولحت امن الدموع اجفونها

احتزم وي زينب يضيمها الدهر اشلون عندها قلب مكور للقهر

من وقع جافلها خاطرها انكسر و الذبح عباس يحدي اظعونها

زينب الجانت عزيزه امدلله من بعد ذاك الخدر و المنزله

الوكت خلاها غريبه ابكربله بت علي و أهل الرده يشتمونها

و زينب المحد شبح لخيالها مشت للكوفه الشمر يبرالها

قام حته العدو يبجي الحالها و عن خدرها الوادم اينشدونها

عالهزل يا حيف تمشي اميسره المجلس ابن زياد و اعليها اشجره

وين صار البطل سبع القنطره ما يشوف الصوت دمه امتونها