خلاني الزمن محتاره خلاني لا ديرة هلي و لا جمعة إخواني
غريبه اتموت بالغربه صعبه يخوتي صعبه
يا هلي آنه العقيله امدللة حامي الحميه كل مصايبكم عشتها من مصاب امي الزجيه
جم ولي الودعته منكم و غمضت عينه بديه من مصاب الباب ألوجن الحد مصاب الغاضريه
قضيت اسنيني بالدمعه و طفت بعيوني جم شمعه
مرمرني الدهر لاوين وداني لا ديرة هلي و لا جمعة إخواني
من نويتوا اعله المنايه ابدمعه من دم ودعتكم ابكل ألم و بكل مصيبه يالهواشم شاركتكم
اتجرعت حزن الليالي ابصبري لاجن ما عفتكم لا تخلوني ابغربتي تغفه عيني و آنه ختكم
جرعت اهموم فرقاكم و دفنت الفرحه وياكم
و صبغت اسنين عمري ابدمعة أحزاني لا ديرة هلي و لا جمعة إخواني
خوبه يا حسين اعله بختك اشقد هضم لجلك حملته ايفسر المرمر مصابي ابكربله لاجن جرعته
كلفتني و عاهدتني و العهد تدري حفظته جم يتيم و جم يتيمه و ظعنك اخلافك كفلته
الخيم صورتها بعيوني أثر جم سوط بعيوني
تسعر بالحشه امن الشام نيراني لا ديرة هلي و لا جمعة إخواني
ابدمعتي أشرح عتابي و للكفيل اكتب رساله خويه يا عباس أطلبك خوتي و عهد الكفاله
و الإخو المثلك يذخري ايظل خيال اخته اعله باله يحضر بساعة شددها و عنها ما يقطع سؤاله
الإخو المثلك إخت عده ايحضرها ابساعة الشده
يثقل بالعتب وي كافل إلساني لا ديرة هلي و لا جمعة إخواني
وين أخويه حسين وينه ينفض اترابه و يجيني و ينده العباس اخيه و الغربتي يعتنيني
حسين ليقطر لي بيده ابحجره ريت أقطع ونيني و ريت أبو فاضل كفيلي هو لي ليغمط لي عيني
يولياني و تشيعوني و لعد قبري تدفنوني
و أقطع ظنتي منكم يولياني لا ديرة هلي و لا جمعة إخواني
يالحسن خويه انتظرتك تعتني من المدينه تذكر ابيت النبوه آنه و انته من ربينه
ابدمعة امصاب اامنه و فقده ابونه اتشاركينه اتخلي يبو محمد اختك بغربه محتاره و حزينه
أموت ابحزني و بهمي ولا تحضرني يبن أمي
موقف غربتي يا خويه بجاني لا ديرة هلي و لا جمعة إخوانيخلاني الزمن محتاره خلاني
ديوان السادة
26
سطرًا