زينب أنه و امدوهنه بهالحال حيلي انهدم عندي حرم و أطفال

من هالأمر ريت العمر لا طال و من الحزن دمع الجفن دم سال

دلالي ناداك يا مظلوم يا مظلوم

خان الدهر هاك الخبر مني قلبي انصدع و آنه انقطع ظني

خذري انفقد محد نشد عني يلمنصرع هاك استمع وني

صوبني فرقاك يا مظلوم يا مظلوم

خاب الأمل دمعي همل بالنوح ابصوتي صحت يوم الطحت مذبوح

دمك يصب يعلترب مطروح و بهالوضع ظل الدمع مسفوح

يلعشت بحماك يا مظلوم يا مظلوم

دمك يسح يالمنذبح عطشان خاب المضن صار الجفن تربان

هذا الخذر ظل يستعر نيران خذري انفقد هذا العهد ما جان

محتاره بعداك يا مظلوم يا مظلوم

فوق الثره متوذره جثتك ابوسط الحرب فوق الترب شفتك

طاح العمد يلبشدد ردتك متغربه و متصوبه اختك

هاك الدمع هاك يا مظلوم يا مظلوم

ابنار الضمه متألمه روحي و بين العده اسمع صده نوحي

صوتي هتف عقبك نشف موحي دمعي همه و تجري دمه اجروحي

و بصوتي أنخاك يا مظلوم يا مظلوم

دمعي سفح قلبي انجرح يا حسين و من الألم دمعي انسجم بالعين

شنطي الوجه وين اتجه لاوين اخيام الطهر تسعر جمر صوبين

من عقب عيناك يا مظلوم يا مظلوم