وين أخوي حسين وينه... حركوا خيمنه علينه

حرت بين العايلة و ما بين الأيتام

اليوم راحوا كل هلي و ماظلت خيام

طلعت أم الحزن زينب كابعة بثوب المصيبة

تگوم نوبه و نوبه تعثر بين الأجساد السليبه

طاحت و صيحته ظهرت من كاب شاجر لهيبه

وين ليحضرون الشدد ... من العايلة ماظل سند

يهل الشيم خدر أنفكد ... راح خذري من انين أجيبه

وين أروحن يا هلي و أنطي الوجه وين

عكب عزتنا أنولينا ... حركوا خيمنا علينا

اليوم راحوا كل هلي و ماظلت خيام

تگوم من يم جسد تگعد يم جسد و الگلب يسعر

إلتفتت ابدمعتها شافت جسم فوق الثرى موذر

إجت و تگربت يمه لنها تنظر علي الأكبر

يم جسمه طاحت عثرى ... صاحت و مدمعها جرى

بيا عين جسمك أنظره ... مترب مخضب معفر

شلون يا الأكبر تظل فوق الثرى شلون

ما دريت شصار بينا ... حركوا خيمنا علينا

اليوم راحوا كل هلي و ماظلت خيام

أويلي أويلي عافت الأكبر و راحت يم جسم جسام تنحب

تنادي ياعريس جفك من دمه المنحر تخضب

مثل ماسلبو جسمك خذري يا جاسم تسلب

ناديتك بصوت الدمع ... ليلة زفافك منصرع

يا جاسم ونار الشمع ... ظلت بدلالي تلهب

هذا ليل الفاجعة موحش ياجسام

بس حرم بالطف بقينا ... حركوا أخيمنا علينا

اليوم راحوا كل هلي و ماظلت خيام

أويلي عافت العريس مرمي و كامت بحنيت ضعلها

جافت أم الطفل تبكي و على المهد يجري دمعها

إجت يمها و شاركتها بنوحها وهمها و فزعها

على المهد محنيت ظهر ... حايرة و دوهنها الدهر

صاحت يمقطوع النحر ... مصابك لأمك فجعها

بالمناحة و الحزن صاحت يمذبوح

ريت لطف لاأجينا ... حركوا خيمنا علينا

اليوم راحوا كل هلي و ماظلت خيام

النوب راحت للشريعة تصيح يا عباس وينك

الدهر وسفه يا كفيلي حال بين أختك و بينك

ريت السيف لكص يمينك كص يميني و لا يمينك

بغيبتك يا راعي العلم ... عامود صيواني أنهدم

يا خوي يا ريت السهم ... صاب عيني كبل عينك

هذا نار مخيمك تسعر ياعباس

و الخدر راح من أيدينا ... حركوا خيمنا علينا