شع وزهه اعله الكون جبريل كبر الله أكبر

حيدر أوصافه بيها القلم حار قطب الحقيقه و حوله الفلك دار

علم و شجاعه شاهد الفقار ستبقه للأجيال ما ظن تفسر

آية الرحمان ما مثله آيه روح العقيده و تاج الولايه

نمشي اعله نهجه نهج الهدايه و بروحي حبه ايسير من عالم الذر

آية محمد و نفسه و صفاته و النور نوره جوهره و ذاته

و انت عضيده ابكل معضلاته و بيك النبي المختار يتباهى يفخر

ابكل موقف اسمك حيدر تردد و اببدر و احنين ذكرك تخلد

و ابخيبر الباب للأمه يشهد و بأحد خله الروس بالحومه تنثر

و الشمس ردت من بعد لغياب و خاشع لك الكون يا سر لكتاب

و ميزك ربك ما بين لصحاب بالحشر تسقي الناس بيدك الكوثر

حبك جنوني و أفخر عله الناس يا مله عدها مثل أبو العباس

للأصله زاكي حبك المقياس و الدين أبد لولاك ما كان يذكر

گالوا مغالي قلت إلهم أكثر لو لا ما علي ما آدم تصور

و لا عرش بلقيس امن اليمن يحضر غصبن عله العذال الكل علم مصدر

فتشت قلبي شفتك نبض بيه لو كثر همه إسمك يسليه

لو جف وريدي حبك يغذيه و أفتخر بين الناس مولاي حيدر

و أفتح اعيوني و إنت أمامي لمن أغمض تبقه بأحلامي

و من يمر ذكرك أنسه آلامي إنت الدوه اللي بيه جرحي تخدر