حيدر علي والينه هز الفلك بيمينه

حيدر علي شيوصفه الله و رسوله ايعرفه

نوره و جلاله امشرفه يبقه الولي هادينه

اسمك كتبته بقلبي و ما أزل أبد عن حبي

إنت التنور دربي حبك علي ايغذينه

نور القمر من نوره رايتنه بيه منصوره

يقصد علي و يزوره ايشوف النعيم ابعينه

ذكرك ايزيل أحزاني غصباً عله العدواني

حب الوصي عنواني شيعه و علي يحمينه

نفخر الحيدر شيعه انوالي الوصي و انطيعه

حبه أبد منبيعه متمسكين ابدينه

يا طير إخذ دلالي لرض النجف للوالي

أرد أحجي ويه الغالي من الظلم ملينه

إنت التحل الشده تصبر عجب هالمده

و الجور تجاوز حده يا با الحسن نجينه