يا علي انحبك حبك هدانه ...حبك هدانه حبك هدانه

يا علي بإسمك رفرف لوانه ... رفرف لوانا رفرف لوانه

لا أرض نشأة لا دارت لا فلك شكله تصور

لا شمس طلعت لا نجمه لا قمر عالكون نور

نور أبو إبراهيم يزهي و مصدر الأنوار حيدر

سر الإله و قدرته ... رحمة الباري و حكمته

و غاية محمد غايته...حيدره من عالم الذر

من عالم الذر ... للفلك محور

للعدل مصدر ... للقلم جوهر

إسمك تصور ... نورك تنور

بركانك فجر ... زمزم و كوثر

و بحبك حيدر و بإسمك دارت دنيانه

يا علي و بيش أرد أوصفك و القلم يعجز ابوصفك

بلولاده و شحجي عنك و انته بيت الباري مهدك

بالفراسه بالحماسه بالسياسه ابطول صبرك

حيرة لرباب الفكر ... شرد آنه أوصفك بالشعر

لا شعر يقطر لا نثر ... لا خطيب ابوصف بحرك

شرد آنه أوصف حيدر بركانه

حيدر إيمانه ... حيدر وجدانه

أجمع للنبي الهادي و قرآنه ... لو ردت أوصف حيدرعنوانه

الفخر عنوانه و الكرم و الحق عنوانه

إلك يشهد يا ولينه الكون كله بالشجاعه

بالكرم بالجود يشهد بالبلاغه و بالقناعه

يا علي و خصك نبينه بالولايو بالوراعه

يا علي و الباري حبك ... صار درب الدين دربك

و أهل بيت النبي ابصلبك ... خصك انت بالشفاعه

و المحب ينسه ابحبك آلامه ... حتماً ابحبك يوصل مرامه

و اينول الجنه ابيوم القيامه ... مرهونه الجنه ابنهج الإمامه

و بقلبي انطبع جالوشم رسمك مولانه

ابيوم ناده النبي الهادي يا هو يدحي باب خيبر

يا هو حماي الحميه يا هو بالحومه ايتبختر

لن علي الكرار ناده إلك يفدي الروح حيدر

كل شده و ابكل موزمه... و لا غير حماي الحمه

و ابجفه سر الغانمه ... و للحرب حيدر توزر

قال آنه السمتني أمي حيدر

مرحب تذكر ... إسمه و تنحر

لن حيدر ناده بالحومه الله أكبر...مرحب توذر

قدم داحيها وواليها للحق برهانه

يا علي و حبك جمعنه الليله و القعده زهيه

نبتسم نرفع تهاني لاجن الونه خفيه

اتعودت هاي العوالم يا علي صبح و مسيه

شوفتك نور النواظر ... يا علي و رمز المفاخر

قلي بيش أجبر الخاطر ... و البعد يصعب عليه

صوبني دهري... ضيعت صبري

صوبني دهري ... لفراقك تدري... دمعتي تجري

علتي ابصدري ... سلمت أمري

نيران افراقك مسعره حيدر بحشانه